Kom kuier saam by Jubilaté se Braaibroodjiefees op 1 Mei 2024. Daar is baie om te doen, te sien, te eet en te drink vir die hele gesin. Markstalletjies, gebottel en gebak, lekkergoed, skaapstertjies, jaffels, pannekoek, sosaties en poeding. Daar is ook vir seker ‘n iestsie koud op die dag beskikbaar. Vermaak vir die dag sluit in ‘n Boere-orkes, musiek, boeresport en nog meer. Bring jou mense, bring jou beursie en kom geniet die dag! Daar sal ook veilige parkering beskikbaar wees.